Қол күресінен әлемнің жеті дүркін чемпионы Зарина Примакқа берілген сыйға қазақстандықтар наразылық танытты
Чемпионды облыстағы Жарма ауданы әкімінің орынбасары Абай Райым Жолдасбекұлы мен Шар қалалық «Жастар ресурстық орталығының» директоры Рауан Кәкімжанұлы құттықтап, алғысхат пен ыдыс сыйға тартқан.
Әлеуметтік желі қолданушылары әлем чемпионына жасалған сыйлыққа наразылқ танытты. Желіде пікір жазушылар спортшыны құттықтау туралы басылымның астына көптеген ашулы пікірлер қалдырған.
«Ештеңе бермесе жақсы болар еді», «Әлем чемпионына ыдыс берді ме?», «Тіпті оның жүзінен әкімдікке «алғысын» байқауға болады».
«Әкім демеуші таба алмаған ба?» «Құттықтауды дұрыс ұйымдастыра алмай жүр ме?» «Спорт министрлігі қайда қарап отыр?», «Ұят болды» деп ашулы аікір білдірген әлеуметтік желі қолданушылары.
Айта кетейік, Жарма ауданы әкімдігінің парақшасындағы бұл жаңалық өшіріліп, басқа жазбаларға пікірі білдіру қызметі шектеліпті.
