Қазақстанда ең төменгі күнкөріс деңгейі 55 731 теңгеге дейін өсті.
Ұлттық статистика бюросына сәйкес, жан басына шаққандағы ең төменгі күнкөріс деңгейі шілде айында 51 730 теңгеден тамыз айында 55 731 теңгеге дейін өсті.
Тамыз айындағы өмір сүру құны бойынша көшбасшылар үштігіне Маңғыстау облысы (68 687 теңге), Алматы (60 595 теңге) және Астана (59 851 теңге) кірді. Соңғы орындарда Түркістан облысы (48 067 теңге), Қызылорда (49 566 теңге) және Жамбыл облысы (51 453 теңге) болып шықты.
Жынысы бойынша ерлер үшін күнкөріс минимумы 65 250 теңге, әйелдердікі 51 768 теңге. Зейнеткерлердің күнкөріс деңгейі де өсті — шілдедегі 48 389-дан тамызда 51 227-ге дейін.
Еске сала кетейік, республикалық бюджетте 2025 жылдан бастап зейнетақыны арттыру жоспарланып отыр. Базалық зейнетақы төлемдері өседі. 2025 жылы базалық зейнетақының ең төменгі мөлшері 47 700 теңгені құрап, 2027 жылға қарай 55 145 теңгеге дейін өседі.
Ең төменгі күнкөріс деңгейі — бұл ең төменгі тұтыну себетінің құнына тең, бір адамға ең төменгі ақшалай кіріс. Ең аз тұтыну себеті – адам өмірін қамтамасыз ету үшін қажетті азық-түлік өнімдерінің, тауарлар мен қызметтердің ең аз жиынтығы. Азық-түлік себетінде азық-түліктің 43 атауы бар: ет, балық, сүт, май, нан, жеміс-көкөніс түрлері, жұмыртқа, қант, шай, дәмдеуіштер және басқалар.
Естеріңізге сала кетейік, Қазақстан Республикасындағы инфляция 2024 жылғы шілдеде 2024 жылғы маусымдағы 8,4%-бен салыстырғанда, 2024 жылғы шілдеде жылдық мәнде 8,6%-ды құрады.
