Облыс әкімі Серік Шәпкенов Құрманғазы ауданының тұрғындарымен кездесті. Жиында өңірдің әлеуметтік-экономикалық көрсеткіштері мен даму перспективалары талқыланды.
Құрманғазы ауданында азаматтарды баспанамен қамтамасыз ету мәселесі өзекті.
– Мемлекет әлеуметтік міндеттемелерді орындауға ерекше көңіл бөлуде. Тұрғындардың жағдайын жақсарту – біздің басты мақсатымыз. Ағымдағы жылы Құрманғазы ауданында халықтың әлеуметтік қорғалмаған топтары үшін 85 пәтер сатып алу жоспарлануда, облыс тұрғындары қазірдің өзінде 10 пәтерге көшті (төртеуі – Құрманғазы ауылынан, төртеуі – Жұмекен ауылынан, екеуі-теңіз ауылынан). Қалған 75 пәтер жыл соңына дейін сатып алынады, сонымен қатар ағымдағы жылдың соңына дейін апатты жағдайдағы тағы 32 тұрғын жаңа баспанаға көшеді, деді С.Шәпкенов.
Сондай-ақ, «Ауылдық денсаулық сақтауды жаңғырту» ұлттық жобасы шеңберінде ағымдағы жылдың соңына дейін Азғыр, Батырбек, Жалғызапан, Қоңыртерек, Афанасьев, Жасталап ауылдарындағы медициналық пункттер және Арна, Кудряшово ауылдарындағы фельдшерлік-акушерлік пункттер пайдалануға беріледі.
Аудан тұрғындары Азғыр ауылдық округіне жол салу мәселесін көтерді.
– Бұл сұрақты мен Азғыр ауылына жұмыс сапарымен барған кезде зерттедім. Қазір дайындық жұмыстары жүргізілуде. Қиын жер жағдайларына байланысты, сондай-ақ құмды топырақ асфальт төсеуге жарамсыз болғандықтан, бұл мәселені шешу көп уақытты қажет етеді. Ол үшін ғылыми-зерттеу институтының ғалымдарын шақырып, өз нұсқаларын ұсындық.
Азғыр шекаралас аймақ болғандықтан, бұл жолдың құрылысы басымдыққа ие, бұл жерде сапалы көлік инфрақұрылымы ерекше маңызды, деді аймақ басшысы.
Құрманғазы тұрғындары медицина, инженерлік инфрақұрылым, тұрғын үй құрылысына қатысты басқа да өзекті мәселелерді көтерді.
Серік Шәпкенов кездесуде айтылған барлық мәселелер кезең-кезеңімен шешілетінін атап өтті. Келесі кезекте азаматтарды жеке мәселелері бойынша қабылдап, жауапты мамандармен бірге түсіндірме жұмыстарын жүргізді.
Облыс әкімінің Құрманғзин ауданының тұрғындарымен кездесуі аудан әкімдігінің Facebook және Instagram әлеуметтік желілеріндегі ресми парақшаларында тікелей көрсетілді.
