Парижде 2024 жылғы Паралимпиада ойындары жалғасуда. Кезекті жарыс күні парадзюдодан жарысып жатқан қазақстандық Ақмарал Науатбек финалға шықты.
Спортшы 48 келіге дейінгі салмақта (J2 категориясы) ел намысын қорғайды.
Бастапқыда ол Кокиладан (Үндістан) мықты болып шықты. Жартылай финалда Науатбек Кахиде Екеден (Түркия) басым түсті.
Шешуші жекпе-жекте ол Сандрин Мартинетпен (Франция) кездеседі.
Қазақстандық жүзуші Әмір Мұратбеков те бүгін Паралимпиада ойындарының финалына шықты.
Қазақстанның Паралимпиада ойындарында бірінші «алтыннан» кейін нешінші орында тұрғаны бұрын хабарланған болатын.
Мемлекет басшысы Қасым-Жомарт Тоқаев екі дүркін Паралимпиада чемпионы Давид Дегтяревті құттықтады.
Қазақстан Республикасының Туризм және спорт министрі Ербол Мырзабосынов та Давид Дегтяревті Париждегі Паралимпиада ойындарындағы алтын медальмен құттықтады.
