2024 жылғы Паралимпиада ойындарында Жаңыл Балтабаева мен Спатай Бибарыс 200 метрге параканоэда есуден іріктеу кезеңінен сәтті өтті, деп хабарлайды ҚР Туризм және спорт министрлігі.
200 м қашықтықта VL3 сыныбында сынға түскен Жаңыл Балтабаева 1:04,72 нәтижемен іріктеуден өтіп, енді 7 қыркүйек күні Астана уақытымен 10:49-да өтетін жартылай финалға дайындалуда.
200 метр қашықтықта KL2 сыныбында сынға түскен Спатай Бибарыс 48,50 секунд нәтижемен іріктеуден өтіп, 7 қыркүйек күні Астана уақытымен сағат 10:14-те жартылай финалда сынға түседі.
Бұған дейін қазақстандық жүзуші Нұрдәулет Жұмағали 2024 жылғы Паралимпиада ойындарында күміс алған болатын.
0
