Ұлытау облысында балалар үйінің тәрбиеленушілерін жұмысқа салған шаруа қожалығының иесі сотталды.
17 қыркүйекте облыс прокуратурасында сотталған адам шаруа қожалығының иесі бола тұра, 2018 жылы мал күтімі бойынша қызметкерлерді жалдауға ақша үнемдеу үшін өмірлік қиын жағдайға тап болған балаларға арналған орталықтан үш кәмелетке толмаған баланы (екі ағайынды мен қарындасты) патронаттық тәрбиеге алғанын айтты.
«Заң талаптарын елемей, патронаттық келісім бойынша міндеттемелерді орындамай, Садықова балаларды ауыр үй шаруасымен айналысуға, сонымен қатар Жезқазған қаласында металл сынықтарын жинауға мәжбүрлеген. Бағынбаған немесе сапасыз жұмыс жасаған жағдайда ол балаларды жүйелі түрде ұрып-соғу арқылы физикалық және психикалық азапқа ұшыратқан», — деп хабарлады қадағалау органы.
Кәмелетке толмағандардың істері жөніндегі мамандандырылған ауданаралық соттың үкімімен Садықоваға төрт жылға бас бостандығынан айыру түріндегі жаза тағайындала отырып, кәмелетке толмағандарды азаптағаны және қамқоршының өкілеттігін асыра пайдаланғаны үшін кінәлі деп танылды.
