Қарттар үйінің ең жас тұрғыны Александр Чечинге қала тұрғындары сыйға электрлі арба алды.
Александрдың арманы орындалды. Бұл туралы «Ақ Жайық» апталық газеті жазады.
Апат салдарынан екі қолы мен аяғынан айырылған 36 жастағы атыраулық азаматтың қарттар үйінде тұрып жатқанын, электр арбасын армандайтынын білген жанашыр атыраулықтар көмектесуге бел буып, сый-сияпат жасады.
«Құрметті жанашырлар! Мен армандаған электр арбасын алдым. Игі істің бастауында тұрған «Біз де адамбыз» қоғамдық қорына және барша жанашыр жандарға ерекше алғысымды білдіремін. Менің қуанышымда шек жоқ! Баршаңызға рахмет, жерлестер! – деді Александр Чечин Атырау қаласының тұрғындарына.
Мүгедектік алған Махамбет ауданының тұрғыны Александр Чечин қарттар үйіндегі өмірі туралы айтып берді.
