Tanda Enbek алаңында мүгедектігі бар адамдарға арналған онлайн бос жұмыс орындары жәрмеңкесі өтеді.
Қазақстанда 18 қазанда сағат 9:00-ден 20:00-ге дейін мүгедектігі бар жандарға арналған бос жұмыс орындарының онлайн жәрмеңкесі өтеді. Tanda Enbek платформасы бизнестің түрлі салаларындағы бос жұмыс орындарын жариялайды.
Мүгедектігі бар жандарға арналған бос орындар жәрмеңкесін «Еңбек ресурстарын дамыту орталығы» АҚ «IteachMe» қоғамдық қорымен бірлесіп ұйымдастырды.
Өтініш берушілер Enbek.kz платформасында тіркеліп/тіркелгеннен кейін жәрмеңкеге қатыса алады.
Әлеуметтік жауапкершілікті арттыра отырып, кәсіби қызметкерді жалдағысы келетін жұмыс берушілер алдын ала тіркелуі қажет.
Бұл жұмыс берушіге компания туралы ақпарат, еңбек жағдайлары мен жеңілдіктері, жұмысқа орналасу ерекшеліктері және мүгедектігі бар жандарға жарамды бос жұмыс орындары туралы ақпарат бар кәсіпорынның виртуалды стендін орналастыру арқылы ұйым туралы толықтай айтып беруге, оның ең күшті жақтарын көрсетуге көмектеседі.
Жәрмеңкеге қатысу жұмыс берушіге жауап берген үміткерлердің түйіндемелерін жеке кабинетінде сақтауға, мәтіндік форматта онлайн сұхбат жүргізуге және Tanda.Enbek.kz порталында жеке кабинетінде бетпе-бет немесе бейне сұхбатқа лайықты үміткерлерді шақыруға мүмкіндік береді.
Жәрмеңкеге қатысу үшін жұмыс берушіні тіркеу туралы толық нұсқаулық мына сілтеме бойынша қол жетімді: https://tanda.enbek.kz/ru/employer/faq.
Бос жұмыс орындары жәрмеңкесіне мүгедектігі бар жандарды, жұмыс іздеушілерді, кәсіби маман іздейтін жұмыс берушілерді шақырамыз!
