25 қазанда сағат 14:00-ден 15:30-ға дейін Астананың бес ауданында Республика күніне арналған мерекелік концерттер өтеді, деп хабарлайды елорда әкімдігінің ресми сайты.
Концерттік бағдарламалар келесі орындарда өтеді:
— Алматы ауданы – «Интернационал» ТА
— Байқоңыр ауданы – «Өндіріс» тұрғын үй кешені
— Есіл ауданы – «Бәйтерек» монументі
— Нұра ауданы – Орталық саябақ
— Сарыарқа ауданы — Қала алаңы
Бұл жерде елорда тұрғындары мен қонақтары үшін түрлі мәдени және спорттық шаралар ұйымдастырылады. Концерттік бағдарламаларға шығармашылық топтар, Мәдениет басқармасына қарасты мекемелердің әншілері және танымал өнерпаздар қатысады.
Республика күніне орай Астанада 100-ден астам мәдени-ағартушылық, спорттық және әлеуметтік іс-шаралар, соның ішінде мерекелік концерттер, көрмелер, дөңгелек үстелдер, ұлттық спорт түрлерінен турнирлер және басқа да көптеген шаралар жоспарланған.
Іс-шаралар орталық алаңдар мен ірі нысандарда, сондай-ақ тұрғын аудандарда, білім беру ұйымдарында және т.б. өткізіледі. Сондай-ақ Республика күні қарсаңында халықтың әлеуметтік осал топтарына 1 мыңнан астам азық-түлік себеттері таратылады.
