Ақмола облысында халықтың әлеуметтік осал топтары үшін екі үй салынады.
Ақмола облысының Сандықтау ауданында кезекте тұрғандар мен халықтың әлеуметтік осал топтары үшін жалпы саны 32 пәтерлік екі көпқабатты үйдің құрылысы бойынша жұмыстар қарқынды жүргізілуде.
Олардың бірі тапсыруға дайын. Толығырақ аудандық әкімдікте айтылды.
«Балкашино ауылында инженерлік желілері және абаттандыру жұмыстары жүргізілген 16 пәтерлі тұрғын үйдің құрылысы аяқталды. 2023 жылы «Көкшетау Горсельпроект» ЖШС жобалау ұйымымен жобалық-сметалық құжаттаманы әзірлеуге келісім-шарт жасалды. 2024 жылғы 25 сәуірде жалдамалы тұрғын үйге кезекте тұрған халықтың әлеуметтік осал топтарына пәтер берудің жұмыс жобасы бойынша ведомстводан тыс кешенді сараптамадан оң қорытынды алынды. Құрылыс-монтаж жұмыстары ағымдағы жылдың маусым айында басталып, жылу трассасын тарту, септик орнату жұмыстары аяқталды, іргетас орнату жұмыстары жүргізілуде, су құдықтарын орнату жұмыстары жоспарлануда. «Бүгінде ішкі инженерлік желілерді тарту, сумен қамту, жылу жүйелерін тарту, үй-жайлардың ішкі қабырғаларын сылау және аумақты абаттандыру жұмыстары жүргізілуде.
Басқармада хабарлағандай, жақын арада 16 отбасы жаңа пәтерге қоныстанады. Бұл жаңалық бірнеше жылдан бері жеке баспана алу кезегін күтіп жүргендерге үлкен қуаныш сыйлады. Жергілікті атқарушы органдардың хабарлауынша, облыста Балкашино ауылында инженерлік-коммуникациялық жүйесі бар тағы 16 пәтерлік тұрғын үй салынып жатыр.
«2023 жылы «Аlpha-Pro» ЖШС жобалау ұйымымен, директоры Әлимарданұлы Ілияспен «Инженерлік желілері тартылған 16 пәтерлі тұрғын үй құрылысы және абаттандыру» жобалық-сметалық құжаттамасын әзірлеуге шарт жасалды, жұмыс жобасы бойынша ведомстводан тыс кешенді сараптаманың оң қорытындысы алынды. Тұрғын үйдің жалпы ауданы 1755 ш.м. пәтерлердің жалпы ауданы – 841,36 ш. м. пәтерлердің тұрғын алаңы – 419,38 ш. м. қазіргі уақытта жер жұмыстары жүргізілді, қазба қазылды, іргетас монтаждау жұмыстары жүргізілуде», — деп қорытындылады Сандықтау ауданының әкімдігі.
Сандықтау ауданы тұрғындарының әл-ауқатын жақсартуға бағытталған жұмыстар жалғасады.
