Тараз қаласы прокуратурасының ұсынысы бойынша Кәмелетке толмағандар істері жөніндегі комиссияның қызметі қаралып, уәкілетті органдармен өзара іс-қимылды күшейту жүйесі әзірленді.
Қолданыстағы үйлестіру өкілеттіктеріне қарамастан, кәмелетке толмағандар арасындағы құқық бұзушылықтың алдын алу комиссияның қажетті ықпалынсыз мүдделі органдармен жүргізілді.
Бұрын комиссияның қызметі тек ата-ана құқығынан айыру және балаларды кешкі мектептерге орналастыру мәселелері бойынша мемлекеттік органдардың өтініштері бойынша отырыстар өткізумен шектелетін.
Талдау көрсеткендей, ағымдағы жылдың өткен кезеңінде ішкі істер органдары кәмелетке толмағандарға қатысты 650 хабарламаны тіркеді, оның 325-і үйлестіру шараларын қабылдаумен комиссия отырысында қарауды талап етті.
Ақпарат алмасудың жеткіліксіздігі нәтижесінде балалардың қатысуымен болған 150 оқиға комиссияның қараусыз қалған.
Осыған орай, прокурорлардың бастамасымен комиссия хатшылығының штаттық құрылымы күшейтіліп, ішкі істер, денсаулық сақтау, әділет және басқа да мемлекеттік органдардың материалдарын кәмелетке толмағандар істері жөніндегі комиссияның қарауына жедел беру жүйесі әзірленді.
Жаңа механизм қолданысқа енгелі бері комиссия 52 материалды қарап, тиісті органдарға тапсырма берді.
Жалпы алғанда, кәмелетке толмағандар істері жөніндегі комиссияның жұмысына жаңа көзқарас кәмелетке толмағандардың қауіпсіздігін қамтамасыз ету, сондай-ақ олардың құқық бұзушылық жасауына ықпал ететін жағдайларды анықтау және алдын алу бойынша ынтымақтастықты нығайтуға ықпал етті.
