Астанада ULTTYQ RUH республикалық инклюзивті сән байқауы өтеді

18 наурызда М. Горький атындағы Мемлекеттік академиялық орыс драма театрында ULTTYQ RUH инклюзивті сән байқауы өтеді, деп хабарлайды Астана әкімдігінің ресми сайты.

Іс-шара ерекше балалардың ата-аналар қоғамымен бірлесіп ұйымдастырылды. Байқау сұлулықтың барлығына қолжетімді екенін көрсету үшін мәдениетті, инклюзивтілікті және экологияны біріктіреді.

Бағдарламада қазақстандық дизайнерлердің ұлттық киімдерінің сән көрсетілімі, әртістер мен инклюзивті ансамбльдердің өнерлері көрсетіледі. Барлық қонақтарды театр фойесінде ұлттық бұйымдар жәрмеңкесі күтеді.

Іс-шара 18 наурыз күні сағат 13:00-ден 17:00-ге дейін өтеді, кіру барлығына тегін.