1 мамырда Мемлекет басшысы Қасым-Жомарт Тоқаев жерлестерін Қазақстан халқының бірлігі күнімен құттықтады.
Елбасының айтуынша, бұл мереке ерекше мәнге және мазмұнға толы. Ортақ құндылықтар мен жасампаз мақсаттармен біріккен біздің халқымыз бүгінде даму жолында сенімді түрде алға жылжуда. Қазақ топырағында түрлі этнос өкілдері өзара түсіністік пен сыйластықта өмір сүруде.
Биылғы жылы Қазақстан халқы Ассамблеясының – осы жылдар ішінде бейбітшілік пен келісім саясатының негізгі жолсерігіне айналған бірегей институттың құрылғанына 30 жыл толады. Осы уақыт ішінде ол азаматтар арасындағы достық пен өзара сыйластық қағидаттарына үнемі сүйеніп, қоғамды топтастыруға елеулі үлес қосты. Азаматтық бірлік пен ынтымақтастық еліміздің дамуының, біз жүргізіп жатқан ауқымды реформалардың табысының маңызды шарттары болды және болып қала береді.
Біз теңдікке, өзара сенімге және мәдени әртүрліліктің жасампаздық әлеуетіне негізделген ұлттық бірлікті дәйекті түрде нығайтуды жалғастырамыз.
«Бірлік пен келісімде біз әділетті де қуатты Қазақстанды құру жолында кез келген қиындықтарды жеңіп, жаңа белестерді бағындыратынымызға сенімдімін, баршаға бейбітшілік, ізгілік және амандық тілеймін!».
Қасым-Жомарт Тоқаев
2025 жылғы 24 сәуірде Қазақстан халқы Ассамблеясының ХХХІV сессиясында сөйлеген сөзінде Мемлекет басшысы Қасым-Жомарт Тоқаев Қазақстанның этникалық әртүрлілігі туралы айтты.
