Астанада «Еңбек жолы» байқауына қатысуға өтінімдер қабылданып жатыр
Жалпыға ортақ еңбек қоғамы идеясын насихаттау мақсатында елордада «Еңбек жолы» байқауы өтуде, деп хабарлайды Астана әкімдігінің ресми сайты.
Байқау 3 номинациядан тұрады:
1) «Үздік еңбек әулеті» – ең ұзақ еңбек өтілі бар және ең көп марапатталған отбасы таңдалады;
2) «Жұмыс істейтін жастарға арналған үздік тәлімгер» — кемінде 20 жыл тәжірибесі бар тәлімгер таңдалады; 3) «Үздік жас өндіріс жұмыскері» – еңбек өтілі 5 жылдан аспайтын ең белсенді және еңбекқор өндіріс қызметкері таңдалады.
Өтініштер 2025 жылдың 1 шілдесіне дейін қабылданады. Байқау туралы толығырақ ақпаратты 55-68-11, 55-68-05 (Астана қаласының Жұмыспен қамту және әлеуметтік қорғау басқармасы) телефондары бойынша, сондай-ақ Бейбітшілік көшесі, 9, 2-қабат, 220 кабинет, Жұмыспен қамтуды үйлестіру бөлімі, электронды мекенжай бойынша алуға болады.
