Мемлекет басшысы Қасым-Жомарт Тоқаев Қазақстан халқын Құрбан айт мерекесімен құттықтады, — деп хабарлайды Ақорда. Құрметті жерлестер!
Барша мұсылмандар үшін жасампаздық пен мейірімділікті паш ететін қасиетті Құрбан айт мерекесі құтты болсын!
Осынау берекелі күндерде ұрпақтан-ұрпаққа жалғасып келе жатқан төл дәстүрімізге айналған мұқтаж жандарға қол ұшын беру дәстүрге айналған. Ислам бір-бірін құрметтеуге, басқаларға қамқор болуға үйретеді, ынтымақ пен өзара сыйластыққа шақырады. Міне, осындай мәңгілік құндылықтардың арқасында халқымыздың бірлігі нығая түсті.
Құрбан айт – өзара түсіністік пен келісім мерекесі. Елдегі тұрақтылық пен қоғамдағы ынтымақты сақтай отырып, біз кез келген қиындықты жеңіп, стратегиялық мақсаттарға қол жеткізе аламыз. Біз бірге Әділ, Таза, Қауіпсіз және Күшті Қазақстанды құрамыз.
Осы күндері айтылған барлық жарқын тілектер орындалсын!
Әр отбасына амандық тілеймін!
Құрбан айт құтты болсын!
