Елдегі ең ірі бос жұмыс орындары жәрмеңкесі Астанада өтеді
Жұмысшы мамандықтары жылы» аясында 22 тамызда елордада еліміздегі жастарға арналған ең ірі бос орындар жәрмеңкесі өтеді, деп хабарлайды Астана әкімдігі.
Шараны «AMANAT» партиясының «Жастар рухы» Жастар қанаты елорда әкімдігімен бірлесіп ұйымдастыруда және мемлекеттің маңызды міндеттерінің бірі – жастарды лайықты жұмыспен қамту және адами капиталды дамытуды шешуге бағытталған.
Бос орындар жәрмеңкесі 22 тамызда елордалық Е.Рахмадиев атындағы Мемлекеттік академиялық филармониясының қабырғасында (Кенесары көшесі, 32) өтеді. Жәрмеңке жас мамандарға экономиканың нақты секторында өзін жүзеге асыруға мүмкіндік беретін жастар мен бизнестің тікелей диалогының негізгі алаңына айналады.
Түрлі саладағы 70-тен астам жұмыс беруші 1000-нан астам ағымдағы бос жұмыс орындарын ұсынады. Қатысушылар қатарында ірі ұлттық компаниялар: «KEGOC» АҚ, «Қазақтелеком» АҚ, «DAR RAIL» ЖШС, «Хоум Кредит Банк» АҚ, «IntegraConstruction KZ» ЖШС, «Қазмедиа орталығы» АҚ, «Богатырь Көмір» ЖШС, «Қазпочта» АҚ, «Қазақстан Халық Банкі» АҚ, «Астана Хаб» және т.б.бар.
Жәрмеңке жүздеген жасты жұмыспен қамтып қана қоймай, жұмысшы мамандықтарының беделін арттыруға, бәсекеге қабілетті ұрпақ қалыптастыруға, ел экономикасын нығайтуға қуатты серпін болмақ.
