Астанада мерекелік күнге байланысты әлеуметтік осал азаматтарға біржолғы ақшалай көмек көрсетіледі.
Қазақстанда 25 қазанда атап өтілетін мереке қарсаңында оларға 4,5 айлық есептік көрсеткіш мөлшерінде, яғни 17 694 теңге көлемінде біржолғы төлем қарастырылған.
Астана қаласының Жұмыспен қамту және әлеуметтік қорғау басқармасында хабарлағандай, бұл төлем жылына бір рет және тек бір негіз бойынша — ең жоғары сома бойынша әлеуметтік осал топтарға жататын азаматтарға беріледі.
«Осылайша, бұл көмек елдің басты мемлекеттік мерекесіне орай әлеуметтік қорғауға ерекше мұқтаж жандар үшін қосымша қолдау шарасы болмақ», – делінген хабарламада.
Жуырда ҚР Қаржы министрлігінің Мемлекеттік кірістер комитеті бақылау-кассалық машиналардың фискалдық чектері бойынша сыйақы төлеуді көздейтін «Salyq кэшбэк» пилоттық жобасының кеңейтілгені жөнінде хабарлады.
