Қазақстанда көпбейінді 7 балалар ауруханасы салынады
Қазақстанда көпбейінді 7 балалар ауруханасы салынады. Оның бірі Ақтөбе қаласында пайдалануға беріледі. Сонымен қатар ерекше білім беру қажеттіліктері бар балаларға арналған балабақшалар, стадиондар мен театрлар сияқты әлеуметтік нысандардың құрылысы жалғасады. Өңір тұрғындары Президенттің шағын бизнесті тексеруге мораторий енгізу жөніндегі бастамасын да қолдайды.
– Кез келген құрылыс жаңа жұмыс орындарының ашылуына мүмкіндік береді. Инфрақұрылымдық нысандар, сол жолдар, яғни тауарлар тезірек жеткізіледі, жолаушылар тезірек жетеді, яғни экономикаға оң әсер етеді.
– Инклюзивті білім беру қазір, әрине, өте маңызды. Себебі ерекше тәсіл мен назарды қажет ететін балалардың саны артып келе жатқанын білеміз. Мұндай балаларды қоғамға бейімдеу қажет.
– Кәсіпкерлерге үш жылға салықтық демалыс беру маңызды. Өйткені кәсіпкерлер уақытын салық есептілігін тапсыруға жұмсай ма, әлде табыс тауып, бизнесін дамытуға арнай ма – таңдау өзінде болуы керек. Себебі біз тек өзімізді жұмыспен қамтып қана қоймай, қызметкерлеріміздің алдында да міндеттемелер аламыз. Сондықтан шағын бизнесті қолдау қажет деп санаймын.
