Атырауда мүгедектігі бар жандарға арналған арбасындағы позитивті ерікті ретінде танылған Қуат Жанесеев Индер ауданы әкімінің кеңесшісі болып тағайындалды.
Индер ауданы Елтай ауылының тумасы бірнеше жыл мүгедектігі бар жандарға арналған арбаға таңылғанына қарамастан, адамдарға қолынан келгенше көмектесіп тұрады: түрлі қайырымдылық акцияларын ұйымдастырады, ауыр науқас балаларды емдеуге қаражат жинайды, тіпті көп балалы отбасыларға үй сатып алуға көмектеседі.
Сондай-ақ белсенді блогер ретінде әлеуметтік парақшаларында өңірдің түрлі мәселелерін көтеріп отырады. Оның Instagram желісінде 40 мыңнан астам оқырманы бар. Ол тіпті Атырауға сапары кезінде мемлекет басшысы Қасым-Жомарт Тоқаевпен кездесуге де қатысқан.
«Жаңа қызметімде мен бұрынғыдай халықтың әлеуметтік осал топтарының мәселелерін шешуге көмектесуге тырысамын. Олардың жеке кәсібін ашуына, дұрыс мамандық алуына көмектескім келеді. Әсіресе халықты мемлекеттік әлеуметтік бағдарламалар мен жаңа мүмкіндіктер туралы дер кезінде хабардар ету маңызды. Мен халыққа осы бағытта кеңес беремін», — деп бөлісті әкімнің жаңа кеңесшісі.