Елордада 150 адамға арналған мүгедектігі бар жандарды оңалту орталығын салу жоспарлануда. Бұл туралы Астана қалалық Жұмыспен қамту және әлеуметтік қорғау басқармасы басшысының орынбасары Азамат Оспанов, деп хабарлады.
«Департамент мүгедектігі бар жандарға арнаулы әлеуметтік қызмет көрсету жағдайларын жақсарту бойынша белсенді жұмыс жүргізуде. Мәселен ұлт жоспары аясында 150 орындық мүгедектігі бар жандарға арналған оңалту орталығын салуды жоспарлап отырмыз. Сондай-ақ психоневрологиялық ауруы бар мүгедектігі бар адамдарға арналған 100 орындық бөлімше ашу мүмкіндігі де қарастырылуда. Бұл орталықтар мүмкіндігі шектеулі жандардың өмір сүру сапасын жақсартуға септігін тигізеді», — деді Азамат Оспанов қала әкімдігінде өткен брифинг барысында.
А.Оспановтың айтуынша, бүгінде қалада ерекше қажеттіліктері бар балаларға арнаулы әлеуметтік қызмет көрсететін 8 үкіметтік емес ұйым бар. Орталықтар әзірленген стандарттар аясында қызметтердің толық кешенін көрсетеді, сонымен қатар балалар бассейнге барып, иппотерапия сабақтары өткізіледі.
«Арнаулы әлеуметтік қызметтерді көрсету оң динамика береді, мұны мүмкіндігі шектеулі балалардың ата-аналары атап өтуде. Балаларды сауықтыру жаттығуларын жаттығу терапиясы, дене шынықтыру мамандары, психологтар, логопедтер, тәрбиешілер мен күтушілер жүргізеді. Балаларды арнайы мектептерге дайындау жұмыстары жүргізілуде. Осы жұмыстар ата-ананың жұмысқа шығуына мүмкіндігі береді, бұл әлеуметтік жүктемені азайтады», — дейді Азамат Оспанов.
Бүгінгі таңда 5556 адам арнаулы әлеуметтік қызметпен қамтылған.
