ЕАЭО елдері арасында дәрі-дәрмек бағасының өсу қарқыны бойынша Қазақстан Қырғызстаннан кейін екінші орында. Бір жыл ішінде (2022 жылдың мамырынан 2023 жылдың мамырына дейін) елімізде дәрі-дәрмек 11%-ға қымбаттаған.
14 шілдедегі Energyprom.kz порталының Еуразиялық экономикалық комиссияның (ЕЭК) мәліметтеріне сілтеме жасап хабарлауынша, ЕАЭО елдерінде дәрі-дәрмек жылына орташа алғанда 4,2%-ға қымбаттаған, ал Қазақстанда бағаның өсуі шамамен үш есеге жоғары болған. Дәрі-дәрмек тек Қырғызстанда бізбен салыстырғанда қымбаттаған, ол елде бұл көрсеткіш 16,1% болды.
Өткен жылдың өзінде ЕЭК сарапшылары зерттеу жүргізіп, 50 дәрінің 30-ы Ресей Федерациясына қарағанда Қазақстанда қымбат екенін анықтады. Кейбір заттар бойынша айырмашылық 310%-ға жетті. Экономистердің пікірінше мұның себебі бағаны мемлекеттік реттеудің әртүрлі әдістерінде. Армениядан басқа барлық ЕАЭО елдері дәрі-дәрмек бағасын бақылайды, бірақ оларда баға шегі белгіленген дәрілердің әртүрлі тізімдері бар. Қазақстанда мұндай тізімге 6 мыңнан астам зат кіреді.
«Биылғы жылдан бастап біздің ел бағаны реттеу бағытын ұстанбақ. Бірте-бірте бірнеше жыл ішінде мемлекеттік бақылаудағы дәрілердің тізімі 376 дәрі-дәрмек түрі бойынша қысқарады», — деп хабарлайды Energyprom.kz.
2023-2024 жылдары басқа да рецептсіз берілетін дәрілік заттарға, ал 2024-2025 жылдары рецепт бойынша сатылатын дәрілік заттарға көтерме және бөлшек саудада бағаны реттеу жойылады. 2026 жылға қарай Қазақстанда мемлекеттік бағаны реттеу кепілдендірілген медициналық көмек пен міндетті медициналық сақтандыру жүйесі аясында ауруханалар үшін сатып алынатын дәрілерге ғана сақталады. Осыдан кейін дәріханалардағы бағалар қалай өзгеретінін әзірге тек болжауға болады. Сондай-ақ көптеген дәрі-дәрмектер 11% -дан астам қымбаттағанын ескерген жөн, сонымен қатар бұл орташа көрсеткіш.
