2023 жылға қарай мүгедектігі бар жандардың жалпы саны шамамен 2500 мың адамды құрады. Өкінішке орай, жыл сайын бұл көрсеткіш өсіп келеді. Сондай-ақ, ерекше қажеттіліктері бар азаматтардың күнде кездесетін мәселелері мен қиындықтары азаймайды.
Қаладағы инватакси мәселесі күрделі тақырыптардың бірі болып қала береді.
Астанада инватакси тапшылығы өткір мәселе болып табылады.
Сонымен қатар, Астанада тек қалада тіркелген адамдарға ғана қызмет көрсетіледі. Сондықтан келушілер қала бойынша қозғалу мәселесіне тап болады. Айта кетейік, инватакси ерекше қажеттіліктері бар адамдарға тек таңғы 9-дан кешкі 17.00-ге дейін қызмет көрсетеді.
«AMANAT» партиясының Республикалық қоғамдық қабылдау алаңында ҚР Көлік министрлігінің, ҚР Еңбек және әлеуметтік қорғау министрлігінің, ҚР Денсаулық сақтау министрлігінің, жергілікті атқарушы органдардың, Инватакси тасымалдаушылары өкілдерінің және біздің бастамашыл қоғамшылдарымыздың қатысуымен «Қалада инватакси тапшылығы мәселесі» тақырыбында дөңгелек үстел өтті.
Әрине, елордада инватакси жетіспейді, бұл тірек-қимыл аппараты зақымданған адамдар үшін елеулі қиындықтар туғызады. Арнайы көліктердің жоқтығы олардың күнделікті қозғалысын қиындатады.
Дөңгелек үстел барысында түйткілді мәселелер, оларды шешу жолдары мен алдағы жылға жоспарлар талқыланды. Сондай-ақ ерекше қажеттіліктері бар тұлғаларға арналған әлеуметтік қызметтерді монетизациялау мүмкіндігі талқыланды, бұл алынатын әлеуметтік қызметтердің сапасын арттыруға мүмкіндік береді.
ҚР Еңбек және халықты әлеуметтік қорғау министрлігі мен ҚР Көлік министрлігі бұл мәселені шешу бойынша жұмысты бастады.
