Мәжілісмен көпбалалы аналарға тістерін емдеуге ақша бөлуді ұсынды
Мәжілісмен Ерлан Саиров өз өтінішінде көпбалалы аналардың тістерін емдеуге қаржы бөлу туралы ұсыныс жасады.
Ол елімізде әділетті аналық капиталды құру қажет екеніне сенімді. Мәжілісмен әйел жүкті болған кезде кальцийді көп жоғалтатынын, бұл оның тістерінің күйіне кері әсер ететінін қосты.
«Көпбалалы ана атанған 543 мың әйелдің барлығында бар үлкен мәселе — тістерінің түсуі. Қазақстандағы стоматологияның бағасын бәріміз жақсы білеміз. Сондықтан, бірінші кезекте көп балалы аналарға тістерді емдеуге біржолғы қаржылық төлем жасау қажет», — деп атап өтті депутат.
Бала туылғаннан кейін берілетін қаражатты ол жеткіліксіз деп санайды.
«Елде бала туғаны үшін жәрдемақы беріледі. Оның мөлшері бірінші – үшінші балаға – 140 мың теңге, төртінші және одан да көп балаға – 232 мың теңге. Ресейдегі аналық капиталдың мөлшері бірінші балаға 639 мың рубльді құрайды — бұл 3 миллион 195 мың теңге, екінші балаға — 883 мың рубль — бұл 7 миллион теңге. Біздің өтемақымен салыстыруға болады ма? Әрине, жоқ», — деп қосты ол.
