Әлеуметтік инспекторлар жыл басынан бері халықтың әлеуметтік осал топтарының құқықтарын қорғау мақсатында 1400-ге жуық тексеру жүргізді
2023 жылғы 1 шілдеде Қазақстан Республикасының Әлеуметтік кодексінің күшіне енуімен елімізде мемлекеттік әлеуметтік қорғау инспекторлары институты енгізілді, оның құзыретіне арнаулы әлеуметтік қызметтерді көрсету және әлеуметтік қамсыздандыру, мүгедектігі бр азаматтарды әлеуметтік қорғау саласындағы заңнаманың сақталуын бақылау кіреді. 2024 жылдың басынан әлеуметтік инспекторлар 1396 тексеру жүргізді, оның 449-ы профилактикалық бақылау аясында, 270-і жоспардан тыс, 677-сі прокуратураның талап-арызы бойынша жүргізілді.
Мемлекеттік бақылауға: әкімдіктер – 60, дәріханалар – 10, арнаулы әлеуметтік қызметтер көрсету орталықтары – 36, жеке кәсіпкерлер – 23, мектептер – 665, дүкендер – 10, жергілікті атқарушы органдардың бөлімдері мен бөлімдері – 28, мәдениет ошақтары – 7, мұрағаттар, мұражайлар – 6, банктер – 4, балабақшалар – 67, колледждер, лицейлер – 3, дәмханалар, мейрамханалар, қонақ үйлер – 3, нотариус – 1, мемлекеттік мекемелер – 15, ауруханалар, емханалар – 17, санаторийлер – 2, сауда үйлері – 7, Қазпошта бөлімшелері – 3, полиция пункттері – 3, стоматология – 2, оңалту орталықтары – 2, автобаза – 1, кітапхана – 1, балалар спорт мектебі – 1 және т.б.енеді.
Осылайша Еңбек және халықты әлеуметтік қорғау комитетінің Қостанай облысы бойынша департаменті мүгедектігі бар азаматтар қоғамдық бірлестігінің өтініші негізінде ерекше қажеттіліктері бар адамдардың кіру мүмкіндігінің жоқтығына қатысты бөлшек сауда нысандарында жоспардан тыс тексеру жүргізді.
Тексеру қорытындысы бойынша ірі кәсіпкерлік субъектісі айыппұл түріндегі әкімшілік жауапкершілікке тартылып, анықталған бұзушылықтарды жою туралы ұйғарым да шығарылды.
Бұл ретте өңірлердегі әлеуметтік инспекторлар мүгедектігі бар жандардың заңды құқықтарын қамтамасыз ету бойынша әлеуметтік инфрақұрылым объектілерін бейімдеу іс-шараларын іске асыруда оң динамика бар екенін атап өтті.
Осылайша бірінші топтағы мүгедектігі бар Рахат Амантаеваның айтуынша, жыл сайын Шымкентте ерекше қажеттіліктері бар азаматтарға қолжетімді нысандар саны айтарлықтай артып келеді.
«Олардың ішінде білім беру, мәдениет, денсаулық сақтау нысандары, халыққа қызмет көрсететін ұйымдар бар. Бұрын тек сыртынан пандус орнатылатын болса, қазір ғимараттардың ішіне бейімделу жұмыстары жүргізілуде, тактильді тақтайшалар ережеге сәйкес орнатылып, айнала ретке келтірілді – мүгедектігі бар азаматтарды тасымалдайтын көліктерге арналған тұрақтар жасалды. Жеке секторда жылжымайтын мүлік иелері қолжетімді ортаны құруға жауапкершілікпен қарай бастады», — деп бөлісті Рахат Амантаева.
Сонымен қатар Қазақстан Республикасы Еңбек және халықты әлеуметтік қорғау министрлігі Еңбек және халықты әлеуметтік қорғау комитетінің аумақтық департаменттері 2024 жылдың 1 тоқсанында 854 тексеру жүргізіп, анықталған бұзушылықтарды жою бойынша 372 ұйғарым шығарғанын және әкімшілік жауапкершілікке тартылғанын атап өтеміз. 81,2 млн теңгеден астам сомаға 344 айыппұл салынды.
