2024 жылы Париждегі Паралимпиада ойындарының стартында отырып ойнайтын волейболдан Қазақстан құрамасы жеңіске жетті.
XVII Жазғы Паралимпиада ойындарының топтық кезеңіндегі бірінші матчта Қазақстанның отырып ойнайтын волейбол құрамасы өз ойынын Франция құрамасын сенімді жеңіспен бастап, кездесуді 3:0 есебімен аяқтады.
Естеріңізге сала кетейік, Қазақстан құрамасы «А» тобында Босния және Египет құрамаларымен кездеседі.
Отырып ойнайтын волейбол жарысына екі топқа бөлінген барлығы 8 команда қатысады.
В тобында Иран, Украина, Бразилия және Германия құрамалары бақ сынауда.
Қазақстан құрамасының келесі ойыны 31 тамыз күні Астана уақытымен сағат 17:00-де өтеді.
0
