Астанада өткен халықаралық конференцияның күн тәртібінде қолайлы қауіпсіз орта құру, сапалы диагностикаға, емдеуге және психикалық бұзылулардың алдын алуға қолжетімділікті арттыру мақсатында балалар мен жасөспірімдердің психикалық денсаулығын нығайту мәселелері талқыланды.
«Айта кететін жайт, психикалық денсаулықты нығайту жолы әртүрлі құрамдас бөліктерден тұрады – әрбір бала естігенін және түсінетінін сезінетін қолайлы ортаны құру. Бұл эмоционалдық интеллектті дамытатын және стресстік жағдайларды жеңетін білім беру процесі».
Конференция сарапшыларының пікірінше, халықаралық конференцияда қабылданған психикалық мәселелердің алдын алу, денсаулықты нығайту және қорғау шаралары жан-жақты, көпфункционалды және сектораралық тәсілді қажет етеді, өйткені психикалық ауытқулары бар адамдар денсаулық сақтау секторынан тыс қызметтерге және одан әрі қолдауға мұқтаж.
Конференция барысында қатысушылар психикалық денсаулық туралы қоғамның түсінігін өзгерту және балалар мен жасөспірімдердің психикалық денсаулығына қатысты стигмамен күресу стратегиясын әзірлеу мәселелері ерекше назар аударуға тұрарлық екенін атап өтті.
Халықаралық конференцияны БҰҰ-ның «ЮНИСЕФ» балалар қоры ДДҰ-ның Қазақстандағы өкілдігінің қолдауымен ұйымдастырды және Қырғызстан, Тәжікстан, Түркіменстан, Өзбекстан және Беларусь елдерінен келген делегаттардың қатысуымен өтті.
