Таразда психикалық ауытқулары бар жасөспірімдер мен жастармен жұмыс жұмыс әдістемесіне оқыту өтеді.
Шара 26 маусым мен 9 шілде аралығында «Аруна-Тарази» психикалық ауытқулары бар балаларға арналған әлеуметтік бейімдеу орталығында өтеді.
«Бүгінгі күні Қазақстанда мектеп және жасөспірім жастағы ерекше балалармен жұмыс істеу әдістері іс жүзінде жоқ. Мамандардың құзыреттілігін дамыту және ата-аналарды оқыту көптеген отбасыларға балаларын өз бетінше оңалтуға және әлеуметтендіруге мүмкіндік береді, олардың қоғамға бейімделуіне көмектеседі.», – дейді орталық директоры Айгүл Сайымқұлова.
Мамандар мен ата-аналарды психоневрологиялық статусы бар жасөспірімдермен және жастармен жұмыс істеу әдістемесіне оқыту «Мейірімділік миссиясы» халықаралық гуманитарлық бағдарламасы аясында өтеді.
Тараздағы миссия екінші жыл өткізілуде. Өткен жылы еріктілер басқаратын терең сезімталдық әдістері ерекше қажеттіліктері бар балалармен жұмыс істегенде тиімді екенін дәлелдеді.
Биылғы жылы тыңдаушылар аудиториясын кеңейту және берілген тәжірибені мүмкіндігінше көп мамандар мен ата-аналарға қолжетімді ету туралы шешім қабылданды.
Айта кетейік, «Мейірімділік миссиясы» халықаралық бағдарламасы «Ерекше балалар ата-аналары одағының» қолдауымен Россотрудничествоның Қазақстандағы өкілдігімен ұйымдастырылып отыр. Миссия аясында ресейлік волонтерлер (клиникалық психологтар мен педагогтар) Қазақстанның әртүрлі аймақтарынан келген мамандар мен ата-аналар үшін теориялық және практикалық сабақтар өткізеді.
