Елбасы барша қазақстандықтардың мемлекеттігімізді нығайтуға үлес қосатынына сенім білдірді.
Қасым-Жомарт Тоқаев Қазақстан халқын Республика күнімен құттықтады. Елбасының құттықтауы Ақорда сайтында жарияланды.
«Құрметті отандастар, Сіздерді Республика күнімен шын жүректен құттықтаймын!», — деді Қасым-Жомарт Тоқаев.
Бірлік пен ынтымақтың арқасында біз ең күрделі сын-қатерлерді еңсеріп, ауқымды өзгерістерді жүзеге асырып жатырмыз, — деді Президент. Жүргізіліп жатқан реформалардың сенімді тірегі мен негізгі қозғаушы күші – қоғамдағы заңдылық пен құқықтық тәртіп, азаматтардың ерен еңбегі мен кәсіби шеберлігі.
«Біз болашақ ұрпақтың игілігі үшін еліміздің ертеңгі күні қандай болатынына сеніммен қараймыз, жауапкершілікпен мемлекеттігіміздің нығаюына үлес қосамыз. Барша отандастарымызға зор денсаулық, бақ-береке және үлкен жетістіктер тілеймін!». – деп түйіндеді Мемлекет басшысы.
