Астананың 412 пәтеріне терезелерге арналған 1 600 қорғаныс құрылғысы орнатылды.
«Қауіпсіз терезе» акциясы аясында әлеуметтік осал отбасыларға блокираторлар тегін берілді. Акцияның мақсаты – балалардың көпқабатты үйлердің терезелерінен құлап кету қаупін азайту.
Елорда Төтенше жағдайлар департаменті жазғы демалыс кезінде ашық терезелердің қауіпті екенін ата-аналарға тағы да ескертті. Құтқарушылар москит торларына ерекше назар аударды – олар баланың салмағын көтере алмайды.
1 600 блокиратор тегін орнатылды
Балаларды қорғауға бағытталған іс-шаралар кешені аясында кезекті «Қауіпсіз терезе» профилактикалық акциясы өтті.
Мамандар халықтың әлеуметтік осал санатына жататын отбасылардың 412 пәтеріне терезе блокираторларын орнатты.
Барлығы 1 600 құрылғы тегін орнатылды.
Блокираторлар баланың терезені өздігінен ашу мүмкіндігін шектеп, осылайша жазатайым оқиға қаупін азайтады.
Орта есеппен әр пәтерге төртке жуық қорғаныс құрылғысынан орнатылған.
Москит торы неге аса қауіпті
Ересектердің жиі жіберетін қателіктерінің бірі – москит торын ашық терезенің қосымша қорғанысы ретінде қабылдау.
ТЖД ескертеді: москит торы тек бөлмені жәндіктерден қорғауға арналған және баланың салмағын көтере алмайды.
Қауіптілігі – бала москит торын көзбен сенімді қоршау ретінде қабылдауы мүмкін. Егер ол торға сүйенсе, бекіткіштер жүктемеге төтеп бере алмауы ықтимал.
Сондықтан москит торының болуы терезе блокиаторының немесе арнайы қауіпсіздік құлпының орнын баспайды.
Ата-аналар не істеуі керек
Құтқарушылар мұндай оқиғалардың негізгі себептерінің бірі ретінде ересектер тарапынан бақылаудың жеткіліксіздігін атайды.
Әсіресе жоғары тәуекел жазда пәтерлердің терезелері үнемі ашық тұрған кезде пайда болады.
ТЖД мынадай ережелерді сақтауды ұсынады:
кішкентай балаларды қараусыз қалдырмау;
москит торына қорғаныс ретінде сенбеу;
терезе блокиаторлары мен қауіпсіздік құлыптарын орнату;
баланы терезенің жанында қалдырғанда терезені толық ашық күйде қалдырмау;
егер бала терезе алдына шығу үшін жиһаздарды пайдалана алатын болса, терезе жанына жиһаз қоймау.
Ересек адамның аз уақытқа ғана кетіп, баланы қараусыз қалдыруының өзі қауіпті жағдайға әкелуі мүмкін.
Неліктен жаз мезгілінде профилактика күшейтіледі
Жазғы демалыс кезінде балалар үйде көбірек уақыт өткізеді, ал күннің жылуына байланысты пәтерлердің терезелері мен балкон есіктері жиі ашық қалады.
Ашық терезе, қолжетімді терезе алды және оның жанындағы жиһаздың қатар болуы қосымша қауіп тудырады.
Сондықтан профилактика бірден екі бағыт бойынша жүргізіледі: физикалық шектеуіштерді орнату және ересектердің мінез-құлқын өзгерту.
Құтқарушылар үйдегі қауіпсіз ортаға жауапкершілік ең алдымен ата-аналарға жүктелетінін атап өтті.
Баланы шын мәнінде не қорғайды
Негізгі ереже – баланың терезені өздігінен ашу мүмкіндігін физикалық тұрғыдан болдырмау.
Бұл жағдайда терезе блокиаторы немесе қауіпсіздік құлпы тұрмыстық жағдай мен ықтимал қайғылы оқиға арасындағы қарапайым тосқауылға айналады.
Алайда терезенің жанында жиһаз қалып, ал бала қараусыз болса, бір ғана құрылғының жеткіліксіз екенін ескеру қажет.
Техникалық қорғаныс пен ересектердің бақылауын қатар қолдану балалардың терезеден құлап кету қаупін едәуір төмендетуге мүмкіндік береді.
Астана ТЖД елорда тұрғындарын балалардың қауіпсіздігіне мұқият қарап, жаз мезгілінде қарапайым сақтық шараларын сақтауға шақырады.
