Қарағанды облысы әкімінің бастамасымен дене шынықтыру және спорт бөлімі, Қарағанды және Теміртау қалаларының білім бөлімдерімен бірлесіп, балаларды жүзуге үйрету ұйымдастырылды. Халықтың әлеуметтік осал топтарының балалары суда жүзу негіздерін үйренеді. Басқа кіші және орта сынып оқушылары үшін бір сабақтың құны 250 теңгені құрайды.
Балалар мен жасөспірімдер сарайындағы бассейнде алты орта мектептің балалары жүзумен айналысады. Оқыту сенбі мен жексенбі күндерінен басқа күндері 10:00-ден 12: 00-ге дейін жүргізіледі. Сабақ 45 минутқа созылады. «Шектеулерге байланысты топтарға 15-тен көп емес бала жиналады. Оқу жылы басталғанға дейін 1500 баланы қамтуды жоспарлап отырмыз. Біздің бассейн 1 тамызға дейін жұмыс істейді, содан кейін ол косметикалық жөндеуге жабық болады. Қарағандыдағы барлық мектептерді «Қауіпсіз су» акциясына қатысуға шақырамын», — дейді Олимпиада жүзу спорт мектебінің директоры Молдабек Шеримов.
Жүзуден жаттықтырушы Ирина Назарованың айтуынша, бұл акция көптеген адамдардың өмірін сақтауға көмектеседі. «Жалпы біз жаз сайын мектеп жанындағы лагерьлердегі балаларға сабақ өткіземіз. Біз жүзудің негізгі білімдерін үйретеміз. Бірінші мақсат — судан қорықпауға және дұрыс дем алуға үйрету. Бізге суда өзін-өзі ұстауды мүлдем білмейтін жігіттер келеді. Біреу тез үйренеді, біреуге көп уақыт қажет. Өте қабылетті балаларды жүзу мектебіне аламыз», — дейді жаттықтырушы.
Балаларға бұл сабақтар ұнайды. Нұсқаушыларды мұқият тыңдап, олар су қорқынышын жеңіп, жүзу шеберліктерін игере отырып, дайындықпен үйренеді.
«Мен бассейнге келген кезде жүзе алмадым. Мен бір күнде жүзіп үйрендім. Мұнда су өте жылы. Бапкер бәрін түсіндіреді, сүңгуге, дұрыс тыныс алуға үйретеді», — дейді өзінің жетістіктері туралы №97 гимназияның 3-сынып оқушысы Настя Мешалкина.
23 маусымнан бастап осындай сабақтар Теміртаудың «Жастар» бассейнінде өткізілуде. Бүгінге дейін қаладағы 25 мектептің 396 оқушысы жүзуге машықтануда. Сабақтар күн сайын демалыс күндерін қосқанда 09:00-ден 10:00-ге дейін және 10:00-ден 11:00-ге дейін өткізіледі.
Мамандардың айтуынша бассейнге күніне 80 оқушы келеді. «Бұл іс-шараның мақсаты — жаз мезгіліндегі төтенше жағдайлардың алдын алу. Су арналарында балалардың суға батқан жағдайлары көп кездеседі. Мен барлық балалардың жүзіп үйренгенін қалаймын. 1 шілдеден бастап «Жастар» бассейні жөндеу жұмыстарына жабылады. Бірақ 1 тамыздан бастап сабақтар қайта жалғасады және оқу жылының басталуына дейін жалғасады», — деді Теміртау қаласы білім бөлімінің бас маманы Айман Ашкеева.
