Жеңімпаздар екі-бес миллион теңге көлемінде грант алады.
Нұр-Сұлтан қаласы Инвестициялар және кәсіпкерлікті дамыту басқармасы жаңа бизнес-идеяларды жүзеге асыруға арналған гранттарға өтініш қабылдауды бастады, деп хабарлайды қала әкімдігінің ресми сайты.
«Бизнестің жол картасы-2025» мемлекеттік бағдарламасы бойынша гранттар шағын бизнеске, оның ішінде экономиканың басым секторларында жұмыс істейтін жас кәсіпкерлерге, ісін жаңа бастаған кәсіпкерлерге беріледі.
Өтініштер 2021 жылдың 12 шілдесіне дейін қабылданады.
Конкурсқа қатысу үшін Qoldau цифрлық бизнес-платформасына тіркелу керек. Әрі қарай өтініш берушілер бекітілген нысан бойынша өтінішті электронды түрде жібереді.
Байқау екі кезеңнен тұрады:
1. Құжаттар тізімін бағдарлама шарттарына сәйкестігін тексеру.
2. Бизнес-жобаны комиссия алдында қорғау.
Қосымша ақпаратты Нұр-Сұлтан қаласы әкімдігінің сайтынан, сондай-ақ uir.astana.kz сілтемесінен алуға болады.
