Жыл сайын әлемнің 160 елінен 2 млн-ға жуық адам қажылыққа аттанады.
Көрнекі сурет ресми сайттан алынды.
2019 жылы қажылық тамыз айының басына тұспа-тұс келіп тұр. Ол 20 тамызға дейін созылады.
Дүниежүзілік денсаулық сақтау ұйымының деректері бойынша 2012 жылдан бастап қазіргі уақытқа дейін әлемде таяу шығыс респираторлық синдромының коронавирусымен сырқаттанудың 2103 зертханалық расталған жағдайы тіркелген, оның ішінде 730-ы өліммен аяқталған, оның 80%-дан астамы — Сауд Арабиясында.
«2000 жылы қажылық кезінде менингококк инфекциясының белең алуына байланысты, Сауд Арабиясының Денсаулық сақтау министрлігі қажылыққа қатысушыларға арнайы талап қойған болатын. Талапқа сәйкес, әр азамат медициналық тексерістен өтіп, дәрігерден анықтама алуы және міндетті түрде менингококк инфекциясына қарсы екпе салдыруы тиіс»,- деп хабарлады ҚР денсаулық сақтау вице-министрі Олжас Әбішев.
Менингококк инфекциясына қарсы вакцинация еліміздің 8 өңірінде (Атырау, Жамбыл, Қарағанды, Қызылорда, Маңғыстау облыстарында және Алматы, Нұр-Сұлтан, Шымкент қалаларында) жүргізіледі.
Ақпарат: Елорда Инфо
