Жаңа заңға сәйкес, жеңілдетілген кезекке тұру үшін қазақстандық азаматтың 10 жыл бойы баспанасы болмауы керек, деп мәлімдеді ҚР Индустрия және құрылыс министрі Қанат Шарлапаев.
«Бүгінгі күні қолданыстағы заңнамаға сәйкес кезекке алу үшін соңғы бес жылда баспананың болмауы талап етіледі. Жаңа тәсілдердің енгізілуіне байланысты кезекте тұрған жаңа адамдар үшін баспанасыз қалу мерзімін 10 жылға дейін ұлғайту ұсынылып отыр», — деді Шарлапаев сәрсенбі күні Мәжілістің жалпы отырысында тұрғын үй саясатын реформалау бойынша заңнамалық түзетулерді таныстыра отырып.
Оның айтуынша ұсынылып отырған жаңа үлгіде тұрғын үйді мұқтаждар арасында бөлу тіркеуге тұру күні мен табыс деңгейіне байланысты болады.
Сондай-ақ мемлекеттік қолдау табыс деңгейіне байланысты болады: жалдау ақысын, жалға берілетін тұрғын үйді немесе 2-5% пайыздық мөлшерлемемен жеңілдетілген ипотекалық несиелерді субсидиялау.
«Тіркеуге қойылатын негізгі талаптардың бірі — тұрғын үйге меншік құқығының болмауы», — деді Шарлапаев.
