ҚР мемлекеттік санитарлық бас дәрігері Ерлан Киясовтың «Кәсіпкерлік нысандарында «Ashyq» мобильдік қосымшасын енгізу жөніндегі пилоттық жобасын іске асыру туралы» қаулысы жарық көрді. Қаулыға сәйкес келесі кәсіпкерлік нысандарында «Ashyq» пилоттық жобасын іске асыру жүзеге асыру жалғасуда: 1) фитнес-клубтары, йога орталықтарын қоса алғанда; 2) спа-орталықтары; 3) сауналар, бассейндер; 4) компьютерлік клубтар, PlayStation клубтарын қоса алғанда (16 жасқа дейінгі тұлғаларды есепке алмағанда); 5) боулинг клубтары. «Республика аумағында «Ashyq» жобасының қатысушыларын көбейту мақсатында жобаға келесі нысандарды енгізу рұқсат етілсін: — алғашқы кезеңде 2021 жылғы 14 сәуірден бастап: 1) кинотеатрлар; 2) театрлар мен филармониялар; 3) қоғамдық тамақтану орындары, банкет залдарын, асхана типтес, фаст-фут, стрит-фут нысандарын есепке алмағанда; 4) ерікті қатысушылар. Екінші кезеңде 2021 жылғы 21 сәуірден бастап: 1) облысаралық және қалааралық жиі емес (туристтік) тасымал; 2) бильярд клубтары; 3) концерт залдары; Үшінші кезеңде 2021 жылғы 5 мамырдан бастап: 1) караоке; 2) банкет залдары (бір залда 50 адамға дейін, 1 келушіге кемінде 4 шаршы метрден) «жасыл» зонада», — деп көрсетілген қаулыда. Сонымен қатар 2021 жылғы 26 сәуірде «Ashyq» пилоттық жобасын кәсіпкерлк нысандарында жүзеге асыру аяқталып, жоба Қазақстан Республикасының барлық аумақтарына таралады.
Источник: inform.kz
