Қытайлық WeShat порталының қолданушысы Жапония тұрғындарының ұзақ өмір сүрулерінің төрт себебін атады.
Дүниежүзілік денсаулық сақтау ұйымының мәліметі бойынша Жапония өмір сүру ұзақтығы бойынша әлемде бірінші орынға ие — 84,2 жас.
Жапондықтар спортқа аса қызығушылық таныта қоймайды. Дегенмен олар әртүрлі тағамдардың арқасында ұзақ өмір сүрудің жоғары деңгейін сақтап келеді. Бірақ тұтынатын тамақ мөлшері шағын ғана. Әрбір тамақтану кезінде балық, ет, көкөністер, жемістер, күріш және басқа да негізгі тағамдарды тұтынады. Осындай шағын көлемдегі тағамдар тамақтануды үйлесімді етеді.
Ұзақ өмір сүрудің екінші себебі ретінде қолданушы жапондардың шамадан тыс тамақтанбауына мүмкіндік беретін тамақты баяу шайнауды атады.
Сонымен қатар адамның жасы ұлғайған сайын асқазан-ішек жолдарының қозғалғыштығы және өзге органдардың қызметі нашарлайды, ал баяу тамақтану ағзаға түсетін күшті азайтады.
Пісіру әдісі де маңызды деп санайды автор. Жапондар табада немесе көп майға қуырудың орнына оны кастрюльде қайнатып немесе булап пісіреді, бұл тұтынылатын майдың мөлшерін азайта алады.
Сондай-ақ зерттеулерге сәйкес жапондықтардың ұзақ өмір сүруінің себептеріне генетика, тұрмыс жағдайы, әлеуметтік даму, денсаулық сақтау деңгейі және басқа факторлар жатады.
Источник: zakon.kz
