Орталықта білікті логопедтер, психологтар, жаттығу терапиясы, массаж және арт-терапия мамандары қабылдау жүргізеді.
Алматылық көп балалы ана Гүлжан Бекебаева аутизммен ауыратын балаларға арналған «Эйнштейннің балалары» атты түзету-дамыту орталығын ашты. Бұл туралы қалалық әкімдік хабарлады.
Алматылық әйел бір кездері өзі де білікті мамандардың жетіспеушілігі проблемасына тап болған және аутизмді емдеудің негізгі әдістемесін өзі оқып үйренуге бел буады. Қазір Гүлжанның педагогикалық білімі бар, сонымен қатар оның Грузиядағы дайындық курстарынан өткен мұғалім-психолог сертификаты бар. Бірте-бірте жаңа әдістеме өз нәтижесін бере бастады, Гүлжанның баласының білім көрсеткіштері жақсарды, академиялық дағдылары дамыды.
Көп балалы анаға берілген жалған сертификат оқиғасы қалай аяқталды
Кейіпкеріміз «Бизнес-Бастау» жобасына қатысуға бел буып, 505 мың теңгеге (1,1 мың доллар) грант ұтып алады. Осы ақшаға ол велосипед тренажерін, жүгіру жолы, екі парта және оқу ойыншықтарын сатып алады.
«Кейінірек мен бизнес-жобамды кеңейту туралы шешім қабылдадым, DKB-2020 бағдарламасы бойынша Qoldaý кәсіпкерлікті қолдау орталығында екі миллион теңге (4,6 мың доллар) көлемінде қолдау грантын алдым. Осы қаражатқа қосымша жабдықтар, логопедтерге арналған құралдар, батут, татами, интерактивті тақта сатып алдым. Мен өз ақшама бөлме жалдап, түзету орталығын аштым», — дейді түзету орталығының директоры Гүлжан Бекебаева.
Қазір орталыққа Алматының шалғай аудандарынан балалары бар ата-аналар келеді, бұл ата-аналар да қажетті мамандар таба алмаған. Орталықта білікті логопедтер, психологтар, жаттығу терапиясы мамандары, массаж және арттерапия мамандары қабылдау жүргізеді. Мекемеге 15 бала үнемі келіп тұрады, олардың үшеуінің денсаулығы айтарлықтай жақсару үстінде.
Көп балалы ананың айтуынша, оның бизнесі қатаң карантиндік тәртіп кезінде де дами алған. Ерекше балалардың кейбір ата-аналары емдеуді үйде жалғастыруды өтінген, сондықтан жеті адамнан тұратын ұжым жұмысын жалғастыра берген. Алайда үйдің жалдау ақысы мен қызметкерлерге жалақы төлеу проблемалары басталған. Бұл жағдайға меценат түзету орталығына 2,7 миллион теңге (6,2 мың доллар) көлемінде қаржылай көмек ұсынып көмектескен.
Өрттің салдарынан үйінен айырылған 6 баласы бар отбасына үй берілді
«Осы қолдаудың арқасында біз көптеген балаларға оңалту және емдеуді қамтамасыз етуге мүмкіндік аламыз. Бізде өте қымбат коррекциялық ойыншықтар бар, бұл балаларға арналған қарапайым ойыншықтар емес. Бұл ойыншықтар ағаштан жасалып, арнайы талаптарға сәйкес жасалынған болуы керек. Ойыншықтар сатып алуға мен 300 мың теңге шамасында қаражат жұмсаймын. Қызметкерлердің жалақысы да төмен емес, өйткені олар тек тәрбиеші емес, олар мінез-құлықты түзету жөніндегі білікті мамандар», — деп қосты Г.Бекебаева.
Жақын арада көп балалы кәсіпкер ана жобаны кеңейтіп, Алматыда түзету балабақшасын ашуды жоспарлап отыр. Қазіргі уақытта мұндай әлеуметтік жобаларды мемлекет құптайды және белсенді қаржыландырады.
Источник: ru.sputnik.kz
