«Жайна Астана» қоғамдық бірлестігі I, II, III топтағы мүгедектігі бар жандарға, жеке көмекшілерге, ерекше қажеттіліктері бар балаларды тәрбиелеп отырған ата-аналарға цифрлық сауаттылық бойынша тегін оқыту курстарын өткізуде.
Сабақтар 4 мамырда басталды және ағымдағы жылдың 30 қарашасына дейін жалғасады, деп хабарлайды елорда әкімдігінің ресми сайты.
Курстар жұмыспен қамту және әлеуметтік қорғау басқармасының қолдауымен мемлекеттік әлеуметтік тапсырыс аясында өткізіледі.
Курстар келесі бағдарламаларды қамтиды:
— компьютерді пайдалану негіздері;
— Egov электрондық үкімет порталымен жұмыс істеуге үйрету;
— әлеуметтік қызметтер порталы;
— Zoom;
— WhatsApp қосымшасын қолдану;
— банктік қосымшалар;
— ЭСҚ кілтін алу.
Курстар санитарлық стандарттарға сәйкес жүргізілетінін атап өткен жөн: маска тәртібі, антисептик пен залалсыздандырғышты қолдану, әлеуметтік дистанцияны сақтау. Қосымша ақпарат алу үшін келесі телефон нөмірлеріне хабарласуға болады: 8-701-212-09-55; 8-775-545-15-39; 8-747-455-44-95.
