Білім министрлігі қазақстандықтардан мектептерде қайырымдылық көмек алып жатқан балалардың суреттерін интернетке жарияламау туралы өтінім жасалды.
Білім министрлігі Балалардың құқықтарын қорғау комитетінің төрағасы Насымжан Оспанова «сурет біреудің қудалау құралына айналуы мүмкін» екенін ұмытпау керектігін түсіндірді.
«Көмек беріп, жақсылық жасағанда баланың осал, сезімтал екенін естен шығармауларыңызды өтінемін. Сондықтан, сыйлық алып жатқан баланың суреттерін әлеуметтік желілер мен ғаламторға жарияламауларыңызды сұраймыз. Өкінішке орай бұл суретті біреулер теріс мақсатта пайдалана алады. Жақсылық жасаңыз, бірақ әрекетіңізді қатты жариялаудың қажеті жоқ», — деді Оспанова Орталық коммуникациялар қызметінде өткен брифинг барысында.
Еске салайық Білім министрлігінің бастамасымен 2008 жылдан бері жыл сайын 1 тамыз бен 30 қыркүйек аралығында еліміздің барлық аймақтарында «Мектепке жол» республикалық қайырымдылық акциясы өткізіліп келеді.
Акция ерекше білім беруді қажет ететін, көп балалы және тұрмысы нашар отбасылардан шыққан, сондай-ақ асыраушысынан айырылған балаларға әлеуметтік қолдау көрсетуге бағытталған.
