Ел тәуелсіздігінің 30 жылдығы аясында Қарақия өңірінде әлеуметтік аз қамтылған, көп балалы отыз отбасыға бюджет қаражаты есебінен пәтер сатып алынады.
Бұл туралы Маңғыстау облысының Қоғамдық коммуникациялар орталығында өткен брифингте Қарақия облысының әкімі Қыдырберді Беков мәлімдеді.
Оның айтуынша «Нұрлы жер» бағдарламасы аясында ең алдымен аз қамтылған және көп балалы отбасыларға баспана беру жоспарланған.
Сонымен қатар «Нұрлы жер» бағдарламасы аясында қазір инженерлік және инфрақұрылымдық желілер тартылып жатқан Жетібай ауылында 72 пәтерлік, үш қабатты екі тұрғын үйдің құрылысы аяқталды. Бұл жұмыстар аяқталған бойда біз баспана кезегінде тұрған мұқтаждарды қамтамасыз етеміз. Оның 30% -ы жетім балалар мен ата-анасының қамқорлығынсыз қалған балаларға, ал қалған 70% -ы аз қамтылған азаматтар мен көп балалы отбасыларға беріледі», — деді Қыдырберді Беков.
