БЖЗҚ-дан төленетін біржолғы зейнетақы төлемдерін пайдалана отырып, араларында жылжымайтын тұрғын үй сатып алу және сату мәмілелеріне тыйым салынатын туыстардың шеңберін кеңейту жоспарлануда.
Атап айтқанда, «ҚР заңнамасына сәйкес тұрғын үй жағдайларын жақсарту үшін біржолғы зейнетақы төлемдерін пайдалану қағидаларын бекіту туралы» ҚР Индустрия және инфрақұрылымдық даму министрінің 2021 жылғы 21 қаңтардағы № 24 бұйрығына өзгерістер мен толықтырулар жобасында күйеуінің немесе әйелінің жақын туыстарына төлемдер беруге тиім салу көзделген.
«Біржолғы зейнетақы төлемдерін алушы мен өтініш берушінің жұбайынан, жақын туыстарынан, сондай-ақ жұбайының (зайыбының) жақын туыстарынан жылжымайтын мүлік сатып алуға пайдалануға рұқсат берілмейді. Осы тармақтың орындалуын бақылау мақсатында алушы жеке кабинетте біржолғы зейнетақы төлеміне электрондық өтініш берген кезде аталған тұлғалардан жылжымайтын мүлікті сатып алмау туралы міндеттемеге қол қояды», — осындай тұжырымдамада зейнетақы «артық шығымын» пайдалану жөніндегі ережеге ұсынылып отырған өзгеріс енгізіледі.
Бұл ретте жақын туыстарға: ата-аналар (ата-ана), балалар, бала асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері жататыны нақтыланады.
Осылайша, өзгерістердің бастамашылары бұл түзету ерлі-зайыптылардың қайын енесін, қайын атасын және жоғарыда аталған басқа да туыстарын зейнетақы жинақтарын қолма-қол ақшаға айналдыру үшін тұрғын үйді сатып алу және сату жөніндегі жалған іс-әрекеттерге тарту мүмкіндігін болдырмайды деп үміттенеді.
Отбасы Банкінің деректері бойынша 2021 жылғы 26 мамырдағы жағдай бойынша 159 621 қазақстандық зейнетақы жинақтарының бір бөлігін мерзімінен бұрын пайдалану мүмкіндігін қолданған. Алып қоюлардың жалпы сомасы бір триллион теңгені құрады. Бағдарламаға қатысушылардың жартысынан көбі, 51 пайызы БЖЗҚ-дан жинақтарын ипотекалық тұрғын үй қарызын ресімдемей-ақ тұрғын үйді толық сатып алуға жіберді.
