Мектепке дейінгі ұйымдарда барлығы 24 297 орын бар.
Елорда әкімдігінің хабарлауынша, 10 маусымнан бастап Нұр-Сұлтанда www.Indigo24.kz сайтында қаланың балабақшаларына жоспарлы түрде қабылдау басталады.
Indigo электронды жүйесінде балабақшаларда бос орындар саны жарияланады. Мектепке дейінгі ұйымдарда барлығы 24 297 орын бар. Балалардың туған жылдары бойынша олардың саны:
2019 жылы туған-6 074 орын;
2018 жылы туған-9 372 орын;
2017 жылы туған-5 616 орын;
2016 жылы туған-3 235 орын.
1 маусымнан бастап барлық мемлекеттік балабақшалардың базасында сағат 8.00-ден 18.00-ге дейін ата-аналарға арналған онлайн-консультациялар, сондай-ақ қатаң санитарлық-дезинфекциялық шараларды сақтай отырып жүгінуге болатын консультативтік пункттер қолжетімді болады.
Толықтыруды өткізу кестесі мен жолдама алу алгоритмі әкімдіктің ресми сайтында, сондай-ақ www.Indigo24.kz сайтында.
