Түнгі жұмыс уақыты мереке күнімен сәйкес келген жағдайда жалақы қалай төленеді? Бұл сұраққа халықпен есептік кездесу барысында ҚР Еңбек және халықты әлеуметтік қорғау министрі Серік Шапкенов жауап берді.
«Түнгі жұмыс уақыты мерекелік күнмен сәйкес келген жағдайда, еңбекке ақы төлеу екі есе мөлшерде жүргізіледі: мереке күнгі жұмыс үшін бір жарым сағаттық тарифтік мөлшерлеме және түнгі уақыттағы жұмыс үшін жарты сағаттық тарифтік мөлшерлеме немесе үш есе мөлшерде: мереке күнгі жұмыс үшін бір жарым сағаттық тарифтік мөлшерлеме және түнгі уақыттағы жұмыс үшін бір жарым сағаттық тарифтік мөлшерлеме?»,- деп модератор сұрақ қойды.
Министр бұл халық жиі қоятын сұрақтардың бірі екенін мойындады.
«Еңбек заңнамасы бойынша жұмыс беруші уақытты, яғни үстеме жұмысты, түнгі уақытты, демалыс және мереке күндерін бөлек ескеруге міндетті. Заңға сәйкес, қызметкер осы күндері келгенде, оған бір жарым (0,5) жалақы төленуі керек дегенді білдіреді. Бірақ, егер мереке күні түнгі уақыттағы жұмыспен сәйкес келсе, есеп бөлек жүргізіледі. Төлем екі есе мөлшерде жүргізілуі керек, яғни әрқайсысы үшін 0,5 ставка бойынша жеке қосылуы керек», — деп түсіндірді Еңбек министрі.
