Бұл үшін мемлекеттік бюджеттен қомақты шығындар қажет.
Халықпен есеп беру кездесуінде Еңбек және халықты әлеуметтік қорғау министрлігінің басшысы әр балаға 42 500 мың теңге төлеу мәселесіне қатысты пікір білдірді.
Министр Серік Шапкенов осындай сұрақ жиі қойылатынын мойындады. Депутаттар барлық төлемдерді алып тастап, әр балаға ай сайын 42 500 теңге төлеуді бастау туралы ұсыныс жасағанын атап өтті.
«Мәселенің екінші жағын да ескеру қажет, мысалы біздің елімізде 18 жасқа дейінгі 6 миллионнан астам бала бар. Егер біз олардың әрқайсысына 42 500 теңге төлейтін болсақ, онда бұл өте үлкен сома», — деді министр.
Шапкенов министрліктің қазіргі бюджеті шамамен 4 триллион теңгені құрайтынын айтты — бұл қаражаттың басым бөлігі аналар мен балаларды қорғауға жұмсалады.
«Біздің министрліктің бюджеті 14 трлн теңге немесе республикалық бюджеттің үштен бірі. Оның 96% -ы әлеуметтік төлемдер мен зейнетақыларға бағытталған. 700 миллиардтан астам теңге ана мен балаға төленеді. Оның ішінде бала күтімі үшін төлемдер, баланың туылуына байланысты бір реттік төлемдер бар, егер біз мұның бәрін алып тастап, бірыңғай ақшалай көмекті енгізетін болсақ, белгілі бір санаттағы адамдарда сұрақтар туындайды, сондықтан олардың барлығын мұқият зерттеу қажет» деп қорытындылады Серік Шапкенов.
26 мамырда депутат Қазақстандағы 18 жасқа дейінгі балаларға ай сайын 223 мың теңгеден астам ақша төлеуді ұсынды.
