Бір қарапайым қадам сіздің есептік жазбаңызды қорғауға мүмкіндік береді.
Интернеттен алаяқтар сіз туралы мәліметті қалай біледі және қалай қорғануға болады деген мәселеге бәсекеге қабілетті барлау жөніндегі сарапшы Евгений Ющук жауап берді.
Желіде көбінесе біз өзіміз «іздер» қалдырамыз. Мысалы банктік келісімдерде немесе интернет-дүкендердің профильдерінде көрсетілген электрондық пошта мекен-жайы сіздің барлық шоттарыңыздың кілті бола алады.
Әдетте адам ұмытылған парольді оңай қалпына келтіру үшін қосымшаларда «электронды мекенжай» көрсетеді. Бұл алаяқтарға қажет ақпарат.
«Интернеттегі өзгелердің аккаунттарына кіруге тырысып, киберқылмыскерлер көбінесе шабуылдарды электрондық пошта арқылы бастайды. Барлық жерде дерлік «парольді есте сақтау» батырмасы бар. Егер сіз оны бассаңыз, поштаға арнайы хабарлама жіберіледі, оның көмегімен парольді өзгертуге болады», — деп түсіндіреді сарапшы.
Сондықтан алаяқтардың құрбаны болғысы келмейтін адамға бірінші кезекте поштаны «көрінбейтін» етіп жасау туралы ойлану керек.
Сарапшы әлеуметтік желілерде тіркелу үшін басқа жерде көрсетілмеген және басқа жерде қолданылмайтын электрондық пошта мекенжайын пайдалануға кеңес береді.
«Банктік келісімдерде нақты мекенжайларды көрсетудің қажеті жоқ, себебі банк қызметкерлері тарапынан ақпараттың таралуы орын алып жататыны да белгілі», — деді Ющук.
Оның айтуынша пайдаланбайтын мекенжайлар арасында поштаңызды осылайша жасыру арқылы шабуылдаушыларды шатастыруы мүмкін.
«Егер олар хакерлік шабуыл жасайтын мекенжайды білмесе, онда олардың мақсаты да жүзеге аспайды», — деді сарапшы.
Бұған дейін полиция Интернеттегі алаяқтардың қазақстандық жастарды қалай алдауының негізгі сызбаларын ашқан болатын.
Тек бір айдың ішінде қазақстандықтар алаяқтарға 1,8 млрд, теңгеге алданған.
