Кешенді тестілеу 20 шілде мен 10 тамыз аралығында өтеді.
18 маусымда app.testcenter.kz веб-сайтында магистратураға түсуге арналған кешенді тестілеуге қатысуға тіркеу басталады, деп хабарлады Ұлттық тестілеу орталығы.
Тіркелу кезінде тестілеу қаласын өзіңіз таңдауыңыз керек екендігі атап өтілген. Кешенді тестілеу 20 шілде мен 10 тамыз аралығында өтеді.
Тестілеу үш бөлімнен тұрады:
• шет тілінен тест;
• оқуға дайындығын анықтайтын тест;
• білім беру бағдарламалары тобының бейіні бойынша тест.
Жалпы еуропалық стандарттарға сәйкес шет тілін білетіндігін растайтын халықаралық сертификаттардың бірін иеленген талапкерлер шет тілі емтиханынан босатылады.
Кешенді тестілеуге қатысу құны — 8292 теңге. Сайтқа тіркелу кезінде төлем онлайн тәртіпте жүзеге асырылады.
