Қазақстандықтар үшін eGov.kz порталында цифрлық құжаттар қол жетімді болды. Бұл туралы «Ұлттық ақпараттық технологиялар» АҚ хабарлады.
«eGov сайтында азаматтардың көптеген өтініштері бойынша цифрлық құжаттар пайдаланушының жеке кабинетіндегі қосымша бөлім ретінде көрсетілді», — деп хабарлады eGov.kz операторы.
Цифрлық құжаттарды көру үшін пайдаланушылар порталға кіріп, «Жеке кабинетке» кіруі керек.
Келесі қадам — жоғарғы жолда «Цифрлық құжаттарды» басу керек.
Содан кейін құжаттар тізімінен қажеттісін таңдаңыз.
Сайтта цифрлық құжаттардың 15 түрі бар:
1. Жеке басын куәландыратын құжат.
2. Жүргізуші куәлігі.
3. Туу туралы куәлік.
4. Неке туралы куәлік.
5. Тегі, аты, әкесінің аты өзгергені туралы куәлік.
6. Ажырасу туралы куәлік.
7. Техникалық паспорт.
8. COVID-19 бойынша ПТР тестілеуінің нәтижесі.
9. Студенттік билет.
10. Диплом.
11. Зейнеткерлік туралы анықтама.
12. Үміткердің куәлігі.
13. Көлік құралдарын тіркеу туралы куәлік.
14. Әлеуметтік куәлік.
15. Вакцинация паспорты.
Алайда қазақстандықтар заң бойынша өздерімен бірге құжаттарды алып жүруі керек екенін ұмытпағаны жөн.
Наурыз айында ел президенті Қасым-Жомарт Тоқаев құжаттардың қағаз нұсқаларына біртіндеп тыйым салынып, электронды форматқа көшу керек деп мәлімдеген болатын.
