Қазақстанда заң талаптарына сай келмейтін баспана кезегінде тұрған 400 мың адам үлкен деректер талдауының көмегімен анықталды. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин «Industry X: болашақтың цифрлық эволюциясы» Digital Almaty 2024 форумында мәлімдеді.
Министр өз сөзінде Қазақстандағы көптеген мемлекеттік қызметтер цифрландырылғанын, оның ішінде тұрғын үйге кезекке қойылғанын атап өтті. Оның айтуынша, бұрын адамдар әкімдіктерге барып, әлеуметтік тұрғын үй алу үшін құжаттар жинаған, ал бүгінде скорингтік тетік бойынша тұрғын үйге мұқтаж нақты отбасылар анықталып, оларды кезекке қояды.
— Бізде қызық іс, бұрын әлеуметтік баспана кезегінде миллионнан астам адам тұрған. Біз big data арқылы тексергенде, 400 мың адам бұл кезекте тұрмауы тиіс екені анықталды, бірақ, керісінше, өтініш бермеген басқа 300 мың адамды анықтады, бірақ біздің ақпаратымыз бойынша олар міндетті түрде әлеуметтік тұрғын үйге кезекке тұруды қажет етеді, — деді Бағдат Мусин.
