Ақтөбе қаласында зейнеткерге 1414 электрондық үкіметтің бірыңғай байланыс орталығынан төлем алуға құқығы бар екендігі туралы хабарлама келген.
Төлемді алуға барған зейнеткерді бірнеше күн қатар әр түрлі мамандарға жіберген. Зейнеткер болса мекемелер арасында жүріп жолақыға шамамен 1000 теңге жұмсаған.
«1414 нөмірінен бірінші рет ХҚО-ға келіп, төлемді алуым керек деген хабарлама келгенде, бұл жалған ақпарат деп ойладым. Нәтижесінде маған осындай бес хабарлама келді, содан кейін ХКҚО қызметкерлері қоңырау шалып келуімді өтінді», — дейді Нелли.
«Нәтижесінде мен Тургенев көшесіндегі Орталық қызмет көрсету орталығына бардым, олар маған банкке барыңыз, есепшот нөмірін алыңыз деді, мен шот ашып қайтып келдім, бірақ маған бірде бір қызметкер де не істеу керектігін түсіндіре алмады, олар келесі күні келуімді айтты. Ертеңінде келдім, мені бір терезеден екіншісіне жібере бастады, нәтижесінде мені екінші қабатқа, №9 кабинетке жіберді. Ол кабинетте өтініш толтырдым, содан кейін олар маған тиесілі төлем 33 тг деп айтты. Мен не жыларымды не күлерімді білмедім. Екі күндік ары-бері жүруіме 1000 теңгеден астам ақша жұмсамадым. Бұл қандай мазақ? Сонымен қатар бұл соманы тек шілде айында ғана қолма-қол ақшаға айналдыра алады екенмін», — деді зейнеткер.
Халыққа қызмет көрсету орталығында бұл төлем БЖЗҚ арқылы төленетіні және зейнеткерге шынымен 33,19 теңге тағайындалғанын айтты, бірақ мұндай сома пайда болғандығына байланысты олар жауап бере алмады.
