Түлектерге ақылы оқуға шартты түрде түсуге мүмкіндік берілді, бірақ оқуды жалғастыру үшін олар жыл ішінде қайта тестілеуден өтулері тиіс.
Бұл туралы ҚР Білім және ғылым министрлігі жоғары оқу орнынан кейінгі білім департаментінің директоры Әділет Тойбаев мәлімдеді.
Ол егер талапкер төрт әрекетті қолдана отырып, шекті балл жинай алмаса, онда ол әлі де шартты түрде өзі таңдаған кез-келген мамандыққа университетке түсе алатындығын атап өтті.
«Алайда, осы ЖОО-да оқуға лайық екенін дәлелдеу үшін, бір жыл ішінде ҰБТ-ны қайта тапсыру . Тест тапсыруға барлығы төрт әрекет болады», — деді Тойбаев.
Бұл мектеп оқушыларына бір жыл бойы ҰБТ-ны қайта тапсыруды күтпей, өз құрдастарымен бірге ЖОО-да оқуды бастауға мүмкіндік береді.
2021 жылы 145 мыңнан астам талапкер ҰБТ тапсырды. Ол алғаш рет электронды форматта өтті. Осы жаңашылдықтың және балалардың қауіпсіздігін, соның ішінде әлеуметтік қашықтықты қамтамасыз ету бойынша жүргізілген жұмыстардың арқасында аймақтарда коронавирустың өршуіне жол берілмеді.
