Қазақстан Республикасы Білім және ғылым министрлігі Венгрия, Қытай, Польша, Украина, Словакия, Әзербайжан және Вьетнам университеттерімен келісімшартқа отырды, деп хабарлайды Қазақстан Республикасы Білім және ғылым министрлігі.
Венгрия Қазақстанға ең көп білім гранттарын ұсынады — 250, Қытай — 47, Польша — 11, Украина — 10, Словакия — 3, Әзербайжан — 8, Вьетнам — 1.
Гранттар бакалавриат, магистратура, докторантура және резидентура бағдарламаларына бөлінеді.
«Сұхбаттасу барысында әр үміткерге мамандық таңдау мотивациясы мен хабардарлық деңгейін, теориялық білім деңгейі мен оқудағы немесе таңдаған кәсібі саласындағы жетістіктерін анықтайтын сұрақтар қойылды. Өтініш берушілердің жеке қасиеттері де ескерілді. Білім гранттарын тағайындау туралы соңғы шешімді қабылдаушы тарап қабылдайды», — деді Қазақстан Республикасы Білім және ғылым министрлігі Халықаралық бағдарламалар орталығының президенті Айнұр Карбозова.
Талапкерлерді іріктеуді депутаттар, сарапшылар, ғалымдар, инженерлік, медициналық, гуманитарлық және жаратылыстану ғылымдарының докторларынан тұратын тәуелсіз комиссия жүзеге асырды.
Тәуелсіз сараптама комиссиясы шет тілін білу деңгейі, білім туралы құжаттың орташа балы және әңгімелесуден кейінгі орташа балл осы үш критерий бойынша ең жоғары орташа балл жинаған үміткерлерді негізгі және резервтік тізімге енгізді.
Үкіметаралық келісімдердің операторы — Қазақстан Республикасы Білім және ғылым министрлігінің Халықаралық бағдарламалар орталығы.